Færsluflokkur: Bloggar

Leiðinlegt lag.

Ótrúlegt að þetta lag skyldi vinna. Þau voru mörg betri, en það er spurning, voru það tásurnar, skautarnir eða fiðlan sem skipti sköpum?

En við vorum ofar en Svíar og er það ekki aðalmálið?

 


mbl.is Rússar unnu Eurovision
Tilkynna um óviðeigandi tengingu við frétt

Þetta er það fáránlegasta af öllu...

Strengir eru óþægilegir hvernig sem þeir eru, og að láta sér detta það í hug að setja 518 demanta á hann...skiptir engu hvort það var blómamynstur  eða ekki, datt í hug ákveðinn þáttur úr Sex and the City. Svo er það spurning hvort heilbrigðisyfirvöld hafi gert athugasemd við þrif á strengnum eftir á...nema að einhver blaðamaður hafi spurt?
mbl.is Níu milljóna króna nærhald
Tilkynna um óviðeigandi tengingu við frétt

Blogg og skóli. Er þetta ekki málið á Íslandi í dag?

Jæja er ekki botninum náð (nú eða toppnum) ég er farin að blogga á Moggablogginu!!! Og þá telst mér til að ég sé farin að halda úti þrjár bloggsíður hvorki meira né minna. Og ekki er ég sú afkastamesta í bloggheimum. Einhver klikkunin í viðbót í gangi, kannski vegna þess að ég á afmæli í dag... orðin 4o og sjö ára gömul... shitt. Árin líða alltof hratt. En hvað gerir kona komin á þennan aldur? Jú, hún bloggar og  fer í skóla, kannast einhver við það? Jú, jú, ég dreif mig í skóla síðasta haust, í KHÍ, (ég hef alltaf öfundað kennara af launum sínum) og ég finn það að þetta á alveg ágætlega við mig, þ.e. að vera í námi, blogg er einn liðurinn í því að læra að tjá sig og það er nauðsynlegt þegar e-r er í fjarnámi og þarf að tjá sig í prentuðu máli á WebCTi. Hef staðist þau próf sem ég hef farið í og fengið þokkalegar einkunnir úr þessum verkefnum sem ég hef gert, svo þetta er alveg að ganga, ég get þetta vel. En... er þetta ekki orðið gott í kvöld, tími kominn á svefn. Var ein af þessum sem var föst á Oddskarði í dag, dálítið lýjandi verð ég að segja, þó þetta hafi ekki reynt neitt líkamlega... eða svosem andlega á mig en það er eitthvað við þetta að vera svona föst á fjallvegi... Á ég að segja hvað það fyrsta var sem mér datt í hug þegar ég kom í bílaröðina í dag.  Varla eru bílstjórarnir farnir að mótmæla hérna í blindbyl á Oddskarði? Það voru tvær rútur og tveir flutningabílar á undan mér og einhverjir stórir bílar stopp sem voru á leið í hina áttina. Hvað átti maður svo sem að halda. En best fannst mér fréttin á ruv.is þar sem sagði að þessir bílar hafi farið af stað þó að það hafi staðið á textavarpinu að Oddskarð væri ófært!!! Ég er ein af þessum sem fer alltaf á textavarpið á morgnanna, áður en ég legg af stað yfir skarð, en þegar skiltið sem er beintengt við vegagerðina nefnir það ekki að það sé ófært, þá eltist maður ekki við textavarpið, enda er ég ekki með það með mér hvert sem ég fer. Jæja, þá er þessu afmælisbloggi lokið. Nóg að sinni. klarasigga

Innskráning

Ath. Vinsamlegast kveikið á Javascript til að hefja innskráningu.

Hafðu samband